पोखरा ।
कास्की नेत्रहीन संघको आयोजनामा दृष्टिविहीन शिक्षकका लागि ४ दिने एडभान्स् आइसिटी तालिम शनिबारदेखि पोखरामा सुरु भएको छ ।

नेलम्बो नेपालको आर्थिक सहायोगमा भएको तालिम गण्डकी प्रदेश सरकार नीति तथा योजना आयोगका सदस्य डा. शान्ता खत्रीले उद्घाटन गरिन् ।

खत्रीले अपांगता भएका व्यक्तिका आवश्यकतालाई सरकारको नीति तथा योजनामा समेट्न, कार्यान्वयन गर्न र सहजीकरणमा गर्ने बताइन् ।

राष्ट्रिय अपाङ्ग महासंघ नेपाल, गण्डकी प्रदेश अध्यक्ष खोमराज शर्माले सूचना प्रविधिमा पहुँच दृष्टिविहीनको वैकल्पिक आँखा र मर्यादित जीवनको आधार भएकोमा जोड दिए ।

नेलम्बो नेपालका अध्यक्ष एकदेव देवकोटाले नेलम्बो नेपालले हरेक हिसाबले विपन्नको हितका लागि काम गरिरहेको बताए ।

कास्की नेत्रहीन संघका अध्यक्ष श्रीकान्त सापकोटाको अध्यक्षतामा भएको कार्यक्रममा राष्ट्रिय अपांग महासंघ नेपाल, गण्डकी प्रदेश अध्यक्ष खोमराज शर्माले तालिममा सहजीकरण गरेका छन् ।

तालिममा पोखराका विभिन्न विद्यालयमा कार्यरत ९ दृष्टिविहीन शिक्षक र ३ जना उच्च शिक्षा अध्ययनरत विद्यार्थीको सहभागिता छ ।

सूचना प्रविधिको क्षेत्रमा विकास भएका पहुँच युक्त एप्लिकेसन, एसिस्टिभ डिभाइस लगायतका विषयमा सहभागीलाई जानकारी दिइएको छ ।