पोखरा ।
बालश्रम न्यूनिकरण कार्यक्रमले अन्तरिम र पोष्ट कोभिड शिक्षा परियोजनाको अनुगमन गरेको छ । परियोजनाले जोखिममा रहेका, विद्यालय जानबाट बन्चित बालबालिकाका लागि काम गर्दै आएको कार्यक्रम संयोजक प्रिती पाण्डेले बताइन् ।

रियोजनाबाट १हजार ३२३ बालबालिका लाभन्वित भएका, ४५० जना बालबालिकालाई शैक्षिक सामाग्री तथा छात्रवृति प्रदान गरिएको र ५७ जना बालबालिकालाई विद्यालयमा भर्ना गरिएको पाण्डेले जानकारी दिइन् ।

अनुगमनमा जिल्ला शिक्षा अधिकृत जिवन रेग्मी, बाल कल्याण अधिकृत विष्णुमाया पौडेल, संघका अध्यक्ष नरेन्द्रमान लालचन, पोउवा संघका वरिष्ठ महासचिव गोकर्णबहादुर कार्की, कार्यक्रमका शिक्षा विभाग प्रमुख मेहन्दी दास, आर्थिक विभाग प्रमुख सरिता ताम्राकार लगायतको सहभागीता थियो ।