पोखरा ।
लायन्स क्लब अफ पोखरा गण्डकी प्रदेशको वर्ष २०२३/२०२४ अध्यक्षमा रूद्रबहादुर श्रीस निर्वाचित भएका छन् । क्लबको शनिबार भएको अधिवेशनबाट प्रथम उपाध्यक्षमा सन्तु सुवेदी, द्वितीय उपाध्यक्ष सुशीला रामदाम र तृतीय उपाध्यक्ष लायन विनिता सुवेदी चुनिए । क्लबका सचिव, कोषाध्यक्ष लगायतका अन्य पदाधिकारी भने चाडै चयन गरिने २०२२/०२३ की अध्यक्ष उषा थापाले जानकारी दिइन् ।

कार्यक्रममा लायन्स क्लब इन्टरनेसनल डिष्ट्रिक्ट ३२५ एम नेपालका रिपोर्टिङ चिफ कुलचन्द्र शर्माले नेतृत्व विकास र सामाजिक सेवाका लागि लायनवाद राम्रो माध्यम बनेको जनाए । स्थापनाको छोटो समयमा नै लायन्स क्लब अफ पोखरा गण्डकी प्रदेशले डिष्ट्रिक्टमा राम्रो छाप पार्न सफल भएको उनको भनाइ छ ।

डिष्ट्रिक्ट ३२५ एम नेपाल, रिजन ९ जोन १९ की जोन चेयरपर्सन एवं क्लबकी संस्थापक अध्यक्ष कोपिला श्रीसले क्लबका सबै सदस्यको साथ र सहयोगले नै क्लबलाई नयाँ उचाइसम्म ल्याइपु¥याउन सकिएको उल्लेख गरिन् ।

क्लबका निवर्तमान अध्यक्ष कुश्मराज सुवेदीले सहरभन्दा पनि ग्रामीण क्षेत्रलाई प्राथमिकतामा राख्नुपर्ने धारणा राखे । क्लबका निर्देशक सुरेन्द्र थापाले आफूले क्लबको विकासका लागि सधैं सहयोग गर्न तत्पर रहेको बताए ।