लेखनाथ ।

विगत दुई वर्ष अगाडी देखि संकट उन्मुख अवस्थामा रहेको पोखरा महानगरपालिका वडा नम्वर २६ स्थित जल्धारे बचत तथा ऋण सहकारी पुर्ववत अवस्थामा आएको छ । सहकारी दुई वर्ष पछि पुरानै अवस्थामा ल्याउन सफल भएको सोमबार आयोजीत १७ औं वार्षिक साधारण सभामा बताइएको हो ।

लगानी गरिएकाे ऋण र ब्याज समयमा नउठ्दा र निक्षप कर्ताले एकैचोटी पैसा लिन आउँदा सहकारीलाई आर्थीकभार परेको थियाे ।

संस्थामा एक हजार ८४ सेयर सदस्य छन् भने पाँच करोड १२ लाख सात हजार सेयर पुँजी छ । २७ करोड तीन लाख ऋण लगानी गरिएकाे सहकारीका अध्यक्ष विष्णुप्रसाद बरालले जानकारी दिए । सहकारीले चार लाख नाफा निकाल्न सफल भएको उनले बताए ।

सहकारीका संस्थापक अध्यक्ष मनोहरी ढुंगानाले सहकारीमा समस्याआएपनि आर्थीक रुपमा संस्था मजवुत भएको बताए ।

कार्यक्रममा पेशागत विमा अभिकर्ता संघका केन्द्रिय अध्यक्ष केदारनाथ अधिकारीले हल्ला र नकरात्मक सोचले संस्था वा ब्यत्तिलाई अद्याेगितिर लैजाने बताए । सहकारीका निवर्तमान अध्यक्ष श्रीकान्त ढुंगानाले सहकारी ऋणिले समयमा ब्याज नतिर्दा र घरजग्गाको क्षेत्रमा देखिएको आर्थीक विचलनको मारमा परेको गुनासो राखे ।

कार्यक्रम आन्तरिक राजश्व कार्यालय पोखराका प्रमुख शिव ढुंगानाले सहकारीको नियम र परिधीमा रहेर सस्था चलाउने हो भने संस्थामा समस्या नआउने सुझाव राखे । कार्यक्रममा सेयर सदस्यहरुको तर्फबाट सविता ढुंगाना,लोक दोहोरी गायक शिवहरि ढुंगाना लगायतले आ-आफनो धारणा राखेका थिए ।

सस्थाका सचिव विचित्रनाथ ढुंगानाले संञ्चालन गरेको कार्यक्रमा विभिन्न समितिका संयोजकहरुले आफनो तर्फबाट प्रगति प्रतिवेदन पेश गरेका थिए भने संस्थाकी अध्यक्ष सारदा बरालले स्वागत मन्तव्य राखेका थिइन् ।