लेखनाथ ।

पोखरा महानगरपालिका वडा नम्वर २७ ले गत आर्थीक वर्षमा गरिव, विपन्न तथा न्यून आय भएका वडावासीका नाममा गरेको जीवन बीमा वापतको चार घर परिवारले मृत्युदावी भुत्तानी पाएका छन् ।

वडाले सामाजिक उत्तरदायित्व अन्तरगत गत तीन सय १७ जना न्युन आय भएका परिवारको नाममा वार्षिक एक लाख वुझाएर रिवर्टी माईक्रो लाईफमा जीवन वीमा गराएको थियो । वडावासीको हितमा वडाले गरेको विमाबाट यो वर्ष मात्र चार जनाले सेवा पाएको वडाअध्यक्ष पूर्णकुमार गुरुङले जानकारी दिए ।

वीमा गरेको एक वर्षमा नै चार जनाले ज्यान गुमाएकाले उनिहरुको आश्रीत परिवारलाई जीवन बीमा कम्पनीबाट ५० वर्ष भन्दा तलको उमेर समुहका दुई घर परिवारलाई एक/एक लाख र ५० वर्ष भन्दा माथीको उमेर समुहका दुई घरपरिवालाई ५०/५० हजार रुपैयाँ बराबरको मृत्युदावी भुत्तानी गराइको हो ।

पोखरा २७ तीन तहरा बस्ने केशबहादुर रेश्मी मगरको श्रीमती टिका रेश्मी मगरलाई जीवन बीमा वापतको ५० हजार रुपैयाँ वडाअध्यक्ष गुरुङ र रिवर्टी माईक्रो लाईफका प्रवन्ध निर्देशक शिवप्रसाद पौडलले संयुक्त चेक हस्तान्त्रण गरेका हुन् ।