समाधान संवाददाता
पोखरा

पोखरामा धरहरा छैन, धरहरा चढेको अनुभव भने पोखरा महोत्सवमा लिन पाइन्छ । १० औं संस्करणसम्म आइपुग्दा युनाइटेड क्लबले आयोजना गर्ने महोत्सवमा प्रत्येक वर्ष दर्शकलाई फरक आकर्षण दिने गरेको छ ।

महोत्सव स्थलभित्रै ४० फिट अग्लो ६ तले धरहरा निर्माण गरिएको छ । यो धरहरा चढ्न दर्शकले ६० रुपैयाँ तिर्नुपर्छ । धरहराबाट महोत्सवका गतिविधिसँगै अमरसिंह चोक नियाल्न सकिन्छ ।

धरहरा गण्डकी प्रदेश सभा सदस्य दीपक कोइरालाले सुरुआत गरे । उनले क्लबले सामाजिक कामसँगै फरक शैलीबाट मनोरञ्जन दिएर दर्शकको माया र साथ पाएको बताए ।सामाजिक काममा मात्र नभई दर्शकलाई फरक फरक शैलीबाट दर्शकहरुलाई मनोरञ्जन दिन धरहरा बनाइएको अध्यक्ष लालकाजी गुरुङ बताउँछन् । महोत्सवको दोस्रो दिन बुधबार माघे संक्रन्तिसमेत परेकाले दर्शकको उल्लेख्य सहभागिता रह्यो ।

बुधबार लोकदोहोरीतर्फ राजु गुरुङको सालैजोसँगै श्रीराम अधिकारी, सरस्वती लामिछाने, लक्ष्मी नेपाली, माया गुरुङ लगायतले दर्शकलाई मनोरञ्जन दिए । शिवहरि बैरागी र दमन रुपाखेतीले दर्शकलाई हसाए । साँझको पप कन्सर्टमा मंगोलियन हर्ट, राजु लामा र स्थानीय ब्यान्ड प्रोभर्सको प्रस्तुति रहेको सांस्कृतिक उपसमिति संयोजक राजु श्रेष्ठले बताए ।

बिहीबार लोकदोहोरीतर्फ कुलेन्द्र विक, जीवन दाहाल, सरला पाण्डे, शंकरविरही गुरुङ, टेक क्षेत्री, रमा रानामगर, कमला गैरेले दर्शकलाई नचाउने छन् भने नेवारी संस्कृति झल्कने प्रस्तुति राखिनेछ । पप कन्सर्टतर्फ एमसीफ्लो र स्थानीय स्पर्श ब्यान्डको प्रस्तुति रहनेछ ।

महोत्सव मंगलबार गण्डकी प्रदेशका मुख्यमन्त्री पृथ्वीसुब्बा गुरुङले उद्घाटन गरेका थिए । उनले पर्यटन क्षेत्रलाई गण्डकी प्रदेश समृद्धिका लागि पहिलो आधार बनाएको उल्लेख गर्दै गण्डकी प्रदेशका सबै गाउँ जीवित संग्रहालय भएको टिप्पणी गरेका थिए ।

संस्करणसम्म आइपुग्दा युनाइटेड क्लबले आयोजना गर्ने महोत्सवमा प्रत्येक वर्ष दर्शकलाई फरक आकर्षण दिने गरेको छ ।

महोत्सव स्थलभित्रै ४० फिट अग्लो ६ तले धरहरा निर्माण गरिएको छ । यो धरहरा चढ्न दर्शकले ६० रुपैयाँ तिर्नुपर्छ । धरहराबाट महोत्सवका गतिविधिसँगै अमरसिंह चोक नियाल्न सकिन्छ ।

धरहरा गण्डकी प्रदेश सभा सदस्य दीपक कोइरालाले सुरुआत गरे । उनले क्लबले सामाजिक कामसँगै फरक शैलीबाट मनोरञ्जन दिएर दर्शकको माया र साथ पाएको बताए ।सामाजिक काममा मात्र नभई दर्शकलाई फरक फरक शैलीबाट दर्शकहरुलाई मनोरञ्जन दिन धरहरा बनाइएको अध्यक्ष लालकाजी गुरुङ बताउँछन् । महोत्सवको दोस्रो दिन बुधबार माघे संक्रन्तिसमेत परेकाले दर्शकको उल्लेख्य सहभागिता रह्यो ।

बुधबार लोकदोहोरीतर्फ राजु गुरुङको सालैजोसँगै श्रीराम अधिकारी, सरस्वती लामिछाने, लक्ष्मी नेपाली, माया गुरुङ लगायतले दर्शकलाई मनोरञ्जन दिए । शिवहरि बैरागी र दमन रुपाखेतीले दर्शकलाई हसाए । साँझको पप कन्सर्टमा मंगोलियन हर्ट, राजु लामा र स्थानीय ब्यान्ड प्रोभर्सको प्रस्तुति रहेको सांस्कृतिक उपसमिति संयोजक राजु श्रेष्ठले बताए ।

बिहीबार लोकदोहोरीतर्फ कुलेन्द्र विक, जीवन दाहाल, सरला पाण्डे, शंकरविरही गुरुङ, टेक क्षेत्री, रमा रानामगर, कमला गैरेले दर्शकलाई नचाउने छन् भने नेवारी संस्कृति झल्कने प्रस्तुति राखिनेछ । पप कन्सर्टतर्फ एमसीफ्लो र स्थानीय स्पर्श ब्यान्डको प्रस्तुति रहनेछ ।

महोत्सव मंगलबार गण्डकी प्रदेशका मुख्यमन्त्री पृथ्वीसुब्बा गुरुङले उद्घाटन गरेका थिए । उनले पर्यटन क्षेत्रलाई गण्डकी प्रदेश समृद्धिका लागि पहिलो आधार बनाएको उल्लेख गर्दै गण्डकी प्रदेशका सबै गाउँ जीवित संग्रहालय भएको टिप्पणी गरेका थिए ।