समाधान स‌ंवाददाता, स्याङ्जा

स्याङ्जामा जीप दुर्घटना हुँदा शनिबार एक किशोरीको मृत्यु भएको छ ।
भीरकोट नगरपालिका ५ मा जीप दुर्घटना हुँदा भीरकोट ५ की १५ वर्षीय किशोरी दुर्गा अर्यालको मृत्यु भएको हो ।

किशोरीको कालिका सामुदायिक अस्पताल हेलुमा उपचारको क्रममा मृत्यु भएको हो । दुर्घटनामा अन्य ७ जना घाते भएका छन् ।

तिलाहार नेटास्थित भित्री कच्ची सडक खण्ड पकानफाँटबाट नेटातर्फ जाँदै गरेको ग२च २३७३ नम्बरको जीप उकालो बाटोमा दुर्घटनामा परेको हो ।

जीप पछाडि हट्न गई सडकबाट करिब ३० मिटर तल खस्दा जीपमा सवार चालकसहित अन्य जना घाइते भएका हुन् ।

दुर्घटनामा भीरकोट ५ की ३७ वर्षीय शान्ती अर्याल, ३६ वर्षीय गीता अर्याल, २७ वर्षीय पार्वती अर्याल, ५६ की शोभा अर्याल, ७० वर्षीय भीमकुमारी अर्याल र २४ की शुष्मा अर्याल घाइते भएका हुन् ।

घातेहरुलाई पाेखराकाे गण्डकी मेडिकल कलेजमा ल्याइएकाे छ । जीप चालकलाई नियन्त्रणमा लिई थप अनुसन्धान जारी रहेको जिल्ला प्रहरी कार्यालयका एसपी विमलराज कँडेलले बताए । दुर्घटनामा घाइते ६ जनाकै अवस्था गम्भीर रहेको प्रहरीले जनाएको छ ।