पोखरा ।

अष्ट्रेलिया बस्ने पोखराका सुपक अधिकारीको ञगड्यो प्यार दिलमाझ बोलको गजल गीत सार्वजनिक भएको छ । उनले आफ्नै युट्युब च्यानल निर्वाण प्लसबाट गीत सार्वजनिक गरेका हुन् ।

प्रेमसम्बन्धी प्रसङ्ग समेटिएको गीतमा अधिकारीको शब्द छ भने थानेश्वर गौतमले संगीत र स्वर दिएका छन् ।

भिडियोमा प्रियाना आचार्य र प्रिन्सेस विश्वकर्माको मुख्य अभिनय छ । गीतलाई नरेन्द्र बियोगीले एरेन्ज गरेका हुन् । एक दशकदेखि पढाई र कामको क्रममा अष्ट्रेलिया रहेका अधिकारीको यो पहिलो प्रस्तुति हो । ‘धेरै गीत र गजलहरु डायरीमा छन् तर पहिलोपटक गीत स्रोता माझ ल्याउन पाउँदा खुसी छु,’ उनले भने ।

अर्को गीत पनि सार्वजनिक गर्ने तयारी गरिरहेका अधिकारीले बताए ।