पोखरा ।
पोखराका लागि यामाहा मोटरसाइकल र स्कुटरको आधिकारिक वितरक भिएडब्लु इन्टरप्राइजेज प्रालि एमएडब्लु इन्टरप्राइजेजले बहुप्रतिक्षित यामाहा एरोक्स १५५ अल्टिमेट स्कुटर बाइक बिक्री सुरु गरेको छ ।

आइतबार पोखरा रंगशालामा नेपाल पत्रकार महासंघ कास्की अध्यक्ष विमला भण्डारीले एरोक्स १ सय ५५ सार्वजनिक गरेकी हुन् । उनले यामाहाले विगतदेखि नै ग्राहकको रोजाईंमा केन्द्रित भएर सेवा सुविधा दिँदै आएको बताइन् ।

सो अवसरमा इन्टरप्राइजेजका रिजनल म्यानेजर राम बोगटीले एरोक्स १५५ नेपालको स्कुटर बजारमा नयाँ मोड भएको दाबी गरे । यसले नयाँ र अनुभवी राइडर दुवैका लागि परफर्मेन्स, स्टाइल, राइडिङ एक्सपेरियनस लागिस्ट्यान्डर्ड स्थापित गरेको उनको भनाइ छ । यामाहा एरोक्स १५५ को शक्तिशाली इन्जिन, अत्याधुनिक प्रविधि र आकर्षक डिजाइनका कारण नेपालका २ सवारी साधन प्रेमीले यसलाई राम्रोसँग स्वीकार गर्ने उनले बताए ।

एरोक्स १५५ मा गति र शक्तिको सम्मिश्रण रहेको कम्पनीले बताएको छ । बोगटीले विशिष्ट र स्लिक एरोडायनामिक स्पोर्टी डिजाइनको साथ प्रदर्शन, शैली र सवारी अनुभवका लागि यसले नयाँ मानक सिर्जना गर्ने कम्पनीको दाबी छ ।

एरोक्स १५५ को ५.८ इन्च एलसीडी इन्स्ट्रुमेन्ट स्क्रिनले स्पिडोमिटर, आरपीएम र भीभीडब्ल्यु सूचकहरू प्रदर्शन गर्दछ, जसले सडकमा हुँदा महत्वपूर्ण जानकारी ट्रयाक गर्न सहज बनाउँछ । यामाहा एरोक्स १५५ फराकिलो छ र सिटमुनि २४.५ लिटरको स्टोरेज पनि उपलब्ध छ ।

कम्पनीका अनुसार यामाहा एरोक्स १५५ रेसिङ ब्लु, ग्रे वर्मिलियन र मेटालिक ब्ल्याक कलरमा उपलब्ध छन् । जसको मूल्य ४ लाख ७४ हजार ९ सय रुपैयाँ छ । यामाहाका आधिकारिक सोरूमहरूबाट यी स्कुटर किन्न र बुक मिल्छ । यसको १५५ सिसीको ‘आर’ डिएनए इन्जिनले १५ पिएस पावर दिन्ने कम्पनीले जनाएको छ ।

यसले गति र शक्तिको उचित सन्तुलन अनुभूति दिने बताइन्छ । अगाडिको एलइडी हेडलाइटले राति पनि उत्कृष्ट भिजिबिलिटि प्रदान गर्दछ भने पछाडिको टेल लाइटमा बाह्र कम्प्याक्ट एलइडी छन् । स्कुटरमा यमाहा वाइ कनेक्ट जडित छ, जुन चालकको स्मार्टफोनमा सम्बन्धित एपमार्फत जडान गर्न सकिन्छ । यसले मर्मतको समय, खराबीका सूचनाहरू, माइलेज, ब्याट्रीको स्तर, पार्किङ स्थान जस्ता कुरा ट्रयाक गर्न सहज बनाउँछ ।