४ पुस, काठमाडौं । श्रम, रोजगार तथा समाजिक सुरक्षा मन्त्री गोकर्ण बिष्ट संसदीय समितिमा चिया उद्योगीमाथि कडा रुपमा प्रस्तुत भएका छन् । चिया उत्पादक संघले बुधबार प्रतिनिधि सभाको उद्योग तथा वाणिज्य र श्रम तथा उपभोक्ता हित समितिमा समिति बैठकमै सामाजिक सुरक्षा कार्यक्रम कार्यान्वयन गर्न नसकिने घोषणा गरेपछि श्रम मन्त्री बिष्टले उद्योगीलाई कानुन नमान्ने अधिकार कसैसँग नरहेको जवाफ फर्काएका छन् ।

‘सरकारको निर्णय मान्दैनौं भन्नुको अर्थ के हो ?’ उनले संघका अध्यक्ष सुरेशकुमार अग्रवाललाई प्रश्न गरे,’आफ्ना माग गर्जेर राख्नुभयो । श्रमिकको लागि त एउटा माग राख्नु भएन ।’