प्रचण्ड र सीता आज ५० औं विवाहोत्सव मनाउँदै

समाधान संवाददाता २०७६ वैशाख २६ गते १३:१९

समाधान संवाददाता, काठमाडाैं

नेकपाका अध्यक्ष तथा पूर्वप्रधानमन्त्री पुष्पकमल दाहाल र सीता पौडेलबीच विवाह भएको आज ५० वर्ष पुरा भएकाे छ ।

कास्की ढिकुरपोखरीका दाहालले हेङ्जाकी सीतासँग २०२६ सालमा मागी विवाह गरेका थिए । त्यतिबेला सीता र प्रचण्ड दुवै १५ वर्षका थिए ।

विवाह भएको ५० वर्ष पुगेको अवसरमा छोरीहरू रेणु र गंगाले अपरान्ह ५ बजे खुमलटारस्थित एक पार्टी प्यालेसमा पुन: विवाह गराउने कार्यक्रम आयोजना गरेका छन् ।

दाहाल सचिवालय स्रोतका अनुसार कार्यक्रममा आफन्त, पार्टीका केही नेता र मन्त्रीहरुलाई निम्तो गरिएको छ ।

तपाईको प्रतिक्रिया