बाराबाट पोखरा आएका दुवैको पिसिआर रिपोर्ट नेगेटिभ

समाधान संवाददाता २०७७ वैशाख २७ गते १६:५७

समाधान संवादददाता

बाराबाट व्यवसायका सिलसिलामा पोखरा आएका दुई जनाको कोरोना भाइरस परिक्षण अर्थात पिसिआर रिपोर्ट नकारात्मक आएको छ । पोखरा स्वास्थ्य विज्ञान प्रतिष्ठानमा उनीहरुको स्वाब परिक्षण गरिएको थियो । यसबाट उनीहरु कोरोना संक्रमित नभएको पुष्टी भएको छ ।

शुक्रबार देखि पोखरामा बाराबाट मानिस आएको र उनीहरु कोरोना संक्रमित भएको भन्दै आतंक मच्चाइएको थियो । उनीहरुको खोजी गरेर स्वाब संकलन गरिएको थियो ।

पोखरा महानगर पालिकाका नगर प्रमुखका प्रेस संयोजक माधव बरालले उनीहरु दुवै जनालाई हाल पोखरा महानगरपालिकाको क्वारेन्टाइनमा राखिएको जानकारी दिएका छन् ।

तपाईको प्रतिक्रिया