कन्ट्याक्ट ट्रेसिङका लागि गोरखाको च्याङ्ली पुग्यो स्वास्थ्य टोली

समाधान संवाददाता २०७७ जेठ २५ गते १९:०६

समाधान संवाददाता

एकैदिन १० जनामा कोरोना संक्रमण पुष्टि भएसँगै कन्ट्याक्ट ट्रेसिङका लागि गण्डकी प्रदेश स्वास्थ्य निर्देशनालयको टोली पोखराबाट गोरखा पुगेको छ । आइतबार बिहान गोरखामा १० संक्रमित भेटिएको निर्देशनालयले पुष्टि गरेको थियो ।

संक्रमणको स्रोत पत्ता लगाउन निर्देशनालयले १ स्वास्थ्य टोली आइतबार दिउँसो नै त्यसतर्फ पठाइसकेको थियो । टोलीले पालुङटार च्याङ्लीमा कन्ट्याक्ट ट्रेसिङको काम गरिरहेको निर्देशनालयको आधिकारिक फेसबुक पेजमार्फत सार्वजनिक गरेको छ ।

संक्रमितमध्य ९ जना गण्डकी गाउँपालिकाका छन् । उनीहरु २० देखि ४० वर्ष उमेरसमूहका सबै पुरुष हुन् । १ जना पालुङटार ७ का हुन् । पालुङटारका ति युवक गोखरा प्रहरी कार्यालयको हिरासतमा छन् ।
जबरजस्तीकरणी मुद्दामा १० दिनअघि पक्राउ परेका उनलाई जिल्ला अस्पतालको आइसोलेसनमा राखेर उपचार गरिने गोरखा प्रहरीले जनाएको छ ।

उनको सम्पर्कमा आएका प्रहरी कर्मचारीलाई सेल्फ क्वारेन्टिनमा राख्ने व्यवस्था मिलाइएको गोरखा प्रहरीका डिएसपी वासुदेव खतिवडाले जानकारी दिए ।

गण्डकीमा ९ जिल्लामा ११४ जनामा संक्रमण देखिएको छ । आइतबार दिउँसाे थप १ जनामा पुष्टि भएकाे थियाे ।

पश्चिमाञ्चल क्षेत्रीय अस्पतालमा उपचाररत स्याङ्जा वालिङका ६० वर्षीय पुरुषमा आइतबार दिउँसो कोरोना पुष्टि भएको स्वास्थ्य निर्देशक डा विनोद विन्दु शर्माले बताए ।

उनी अस्पतालको प्रि आइसोलेसनमा उपचाररत थिए । प्रदेशमा हालसम्म ३ जना निको भएर घर फर्किएका छन् ।

अस्पतालको प्रि आइसोलेसनमा उपचाररत थिए । प्रदेशमा हालसम्म ३ जना निको भएर घर फर्किएका छन् ।

तपाईको प्रतिक्रिया