एजेन्सी

पछिल्लाे समय उत्तर काेरियाले विश्वकाे ध्यान तान्छ । त्यसमा पनि प्रमुख शासक किम जोङ–उनकाे स्वास्थ्य विश्वकै प्रमुख समाचार मध्येमा पर्ने गरेकाे छ ।

हाल गम्भीर बिरामी परेर कोमामा गएको दाबीसहितका खबर आइरहेका बेला उत्तर कोरियाका नेता किम जोङ–उन पार्टीको बैठकमा सहभागी भएका छन्।

केही सञ्चार माध्यममा नेता किम बिरामी परेको र बहिनी किम यो–जोङले सत्ता सम्हाल्ने तयारी गरेको दाबीसहितका खबर आएका थिए।

पार्टीको बैठकमा सहभागी भएका नेता किमले उत्तर कोरियाका अधिकारीहरुलाई देशमा कोरोना भाइरसको महामारीका हुन सक्ने सम्भावित जोखिमका लागि तयारी अवस्थामा रहन भनेका छन्।

यस्तै समुद्री तुफानका कारण पनि जनजीवनमा समस्या हुन सक्ने भन्दै उनले सचेत बनाएका हुन्।

उत्तर कोरियामा अहिलेसम्म कसैमा पनि कोरोना भाइरसको संक्रमण नभएको बताएको छ।

तर नेता किमले कोरोना भाइरसको संक्रमण फैलिन सक्ने तर्फ सचेत गराएका हुन् । यस्तै यो हप्ताको अन्त्यतिर समुद्री तुफान बाभीले जनजीवन प्रभावित हुने पूर्वानुमान छ ।