समाधान संवाददाता, चितवन ।

पछिल्लाे समय चितवनमा समुदायमै काेराेना भाइरस संक्रमण बिस्तार भएकाे छ । फलस्वरुप ५ महिनाका बालकमा पनि काेराेना भाइरस संक्रमण पुष्टि भएकाे छ ।

ती बालक चितवनकाे माडीका हुन् । यी बालकस‌गै विहीबार विहान जिल्लामा ५२ जना नयाँ संक्रमित थपिएका छन् ।

भरतपुर अस्पताल कोभिड–१९ प्रयोगशालामा बुधबार राति गरिएको परीक्षणमा चितवनका २५ र तनहुँ देवघाटका एक जनामा संक्रमण पुष्टि भएको हो।

चितवन मेडिकल कलेजको प्रयोगशालामा थप २६ जनामा कोरोना संक्रमण पुष्टि भएको छ।