बाग्लुङमा पहिरोले घर पुर्दा २ महिलाकाे मृत्यु

समाधान संवाददाता २०७७ भदौ २८ गते १०:३९
फाइल तस्बिर

पोखरा

बागलुङका जैमिनीमा आइतबार बिहान पहिरोले घर पुर्दा २ महिलाकाे मृत्यु भएको छ ।

गण्डकी प्रदेश प्रहरी कार्यालयका अनुसार आइतबार बिहान साढे ७ बजेतिर जैमिनी नगरपालिका ५ बिनामारेका नीलकण्ठ पौडेलको पहिरोले पुर्दा ७५ वर्षे जाल्पादेवी पौडेलको मृत्यु भएको छ

घर माथिबाट बासको झाङसहितको पहिरो आएर घर पुर्दा नीलकण्ठकी आमाको पुरिएर मृत्यु भएको हो । घरमा ७ जना रहेकोमा नीलकण्ठ सामान्य घाइते भएका छन् । परिवारका अरु सदस्य भागेर ज्याउन बचाउन सफल भएका छन् ।

जैमिनीकै वडा नम्बर १ टुनिबोटमा पनि पहिरोले पुरिएर आइतबार ६५ वर्षे लक्ष्मीदेवी पाध्याको मृत्यु भएको छ । मणिभद्र पाध्याको घरमाथिबाट सडकमा लगाएको ग्याबिन जाली सहितको पहिरो आए घर पुरिदा उनी पत्नीको मृत्यु भएको हो । घरमा पुरिएका मणिभद्र र उनकी छोरीको भने सकुसल उद्धार गरिएको प्रदेश प्रहरी कार्यालयका डिएसपी राजेन्द्रबाबु रेग्मीले बताए ।

फाइल फाेटाे

तपाईको प्रतिक्रिया