पोखरामा कोरोनाले ३६ वर्षीया महिलाको मृत्यु

समाधान संवाददाता २०७७ कार्तिक १३ गते ८:००

समाधान संवाददाता, पोखरा

गण्डकी प्रदेशमा थप १ कोरोना संक्रमितको निधन भएको छ ।

पश्चिमाञ्चल क्षेत्रीय अस्पतालमा उपचाररत १ संक्रमितको गएराति १२ बजे निधन भएको अस्पतालद्धारा जारी विज्ञप्तिमा उल्लेख छ ।

मृत्यु हुनेमा पोखरा १३ की ३६ वर्षीया महिला छन् ।

उनीमा कात्तिक ५ गते कोरोना भाइरस संक्रमण पुष्टि भएपछि अस्पतालको आईसियुमा लगिएको थियो । उपचारका क्रममा उनीमा निमोनिया समेत देखिएको थियो ।

गण्डकी प्रदेशमा यससँगै कोरोनाका कारण ज्यान गुमाउनेको संख्या ७२ पुगेको छ । गण्डकीमा कुल ६ हजार ९ सय ४५ जनामा कोरोना भाइरस संक्रमण पुष्टि भएको छ । तीमध्ये ४ हजार ६६ जना निको भएका छन् ।

तपाईको प्रतिक्रिया