पोखरा
तत्कालीन पोखरा नगर पञ्चायतका प्रधानपञ्च सूर्यबहादुर केसीको निधनमा पोखरा महानगरपालिकाले बुधबार आफ्नो कार्यालयमा विदा गरेको छ । सोमबार राति निधन भएका केसीको शोकमा महानगरपालिकाले मंगलबार १ दिनका लागि सबै वडा कार्यालयहरुमा पनि विदा दिएको छ । ‘पूर्वजनप्रतिनिधिको निधनको शोकमा कार्यालयमा विदा दिएका हौं,’ मेयर मानबहादुर जिसीले भने ।
केसीको आज सेतीनदीको शान्तिघाटमा अन्त्येष्टि भएको छ । सूर्यबहादुर केसी २०४१ र ४३ मा गरी २ पटक पोखरा नगर पञ्चायतको प्रधानपञ्च भएका थिए । नेपाली कांग्रेसबाट प्रतिनिधि सभा सदस्य उनी पहिलो संविधान सभा सदस्य पनि हुन् ।