पोखरा ।

मुस्ताङ भ्रमणमा आएका पर्यटकहरुको लागि सशस्त्र प्रहरी बल, नेपालले स्वास्थ्य परीक्षण र औषधी वितरण गरेको छ ।

बुधबार बिहानदेखि पर्यटकहरुको अक्सिजन लेभल र रक्तचाप परीक्षण गर्नुका साथै आवश्यक औषधी वितरण गरिएको हो ।

सशस्त्र प्रहरी बल, नेपाल नं ३३ गुल्म मुस्ताङले १ सय ५० जनाको अक्सिजन लेभल चेक र १ सय जनाको रक्तचाप परिक्षण गरिएको छ ।

त्यस क्षेत्रमा हिमपात भएको र चिसो एक्कासी बढेका कारण धैरै पर्यटकहरुमा टाउको दुख्ने, वाकवाकी लाग्ने तथा श्वासप्रश्वासमा समस्या देखिएको छ । उनीहरुको समस्या पहिचान गरी सामान्य प्राथमिक उपचार समेत गरिएको छ ।