सुन्दरकुमार थकाली
मुस्ताङ

हिमाली जिल्ला मुस्ताङमा यस वर्षको एसइईमा १ मात्र परीक्षा केन्द्र तोकिएको छ । एसइई परीक्षा तयारी अन्तिम चरणमा पुगेको शिक्षा विकास तथा समन्वय इकाइ कार्यालय मुस्ताङले जनाइएको छ । यस वर्ष १ सय ५६ विद्यार्थीले एसइई दिँदै छन् । यसमध्ये छात्रा ८४ जना र छात्र ७२ जना छन् ।

८ वटा विद्यालयमध्ये सबैभन्दा बढी विद्यार्थी जनहित मावि जोमसोमका छन् भने सबैभन्दा कम जनबाल मावि मार्फाका छन् । जनहितका ३६ र जनवालका ६ जनाले एसइइ दिँदै छन् । मुस्ताङमा ७ सामुदायिक र १ निजी माध्यमिक विद्यालय छन् । जनहितबाछ नियमित ३० र खुला ६ जना गरी ३६ जना, जनवालबाट ६ जना, योगेन्द्र मावि टुकुचे १६, जनआर्दश मावि कोवाङ २०, ज्ञानोदय मावि लेते २९, जनशान्ति माविक कागबेनी १२, दिव्यदीप मावि छोसेर ९र धौलागिरी आवासीय मावि जोमसोमका २५ जना एसइईमा सहभागी हुँदै छन् ।

मुस्ताङमा हुने एसइई परीक्षा केन्द्र सदरमुकाम जोमसोमको जनहित मावि तोकिएको छ । शिक्षा विकास तथा समन्वय इकाइ प्रमुख मतिलाल चपाईले प्रश्नपत्र र उत्तरपुस्तिका जिल्ला आइसकेको जानकारी दिए । परीक्षाका लागि १ केन्द्राध्यक्ष, १ सहायक केन्द्राध्यक्ष र ८ जना निरीक्षक परिचालित हुने छन् ।