समाधामन संवाददाता

विश्व ओलम्पिक दिवस २०१९ को अवसर पारेर पोखरा रंगशाला स्थित स्क्वास हलमा विहिबार देखि शुरु भएको ओलम्पिक डे स्क्वास च्याम्पियनसिप प्रतियोगिता अन्तरगतका क्वाटर फाइनल खेलहरु सम्पन्न भएका छन् । स्क्वास र्याकेट एशोशियसन पोखराको आयोजना प्रतियोगिता भैरहेको छ ।

शुक्रबार सम्पन्न खेलबाट प्रविण पालिखे, भागवत नेपाल, हिराकाजि महर्जन र प्रकाश केसी सेमिफाइनल प्रवेश गरेका छन् । पहिलो क्वाटर फाईनल खेलमा हिराकाजि महर्जनले विकास शाक्यलाई पराजित गर्दै सेमिफाइनलको यात्रा तय गरे । हिराकाजिले ३–० को सोझो सेटमा विजय प्राप्त गरे ।

दोश्रो क्वाटर फाइलन खेलामा प्रविण पालिखेले रक्ष लामालाई सजिलै पराजित गरे । उनले पनि ३–० कै सोझो सेटमा विजय हासिल गरेका हुन । तेश्रो क्वाटर फाईनल खेल प्रतिद्वन्दी अनुपस्थित भएका कारण भावगत नेपालले वाक ओभर पाएर सोझै सेमिफाइनलमा प्रवेश पाए ।

चौथो प्रतिस्पर्धात्मक क्वाटर फाइनल खेलमा दिपक तिमिल्सिनालाई ३–१ सेटमा पराजित गर्दै प्रकाश केसी सेमिफाइनलमा प्रवेश गरे । केसीले पहिलो सेट गुमाएका थिए भने त्यसपछिका तिन सेट लगातार जितेका थिए ।

यस अघि क्वाटर फाइनलमा प्रवेश गर्नका लागि केसी पाँचौ सेटसम्म प्रतिक्षा गर्नु परेको थियो । प्रि क्वाटर फाइनलमा दिपक गोदारसंग भिडेका केसीले शुरुका दुई सेट गुमाएका थिए । शुरुका दुई सेट जित्दा पनि गोदारले लगातार तीन सेट गुमाएपछि प्रतियोगिताबाट बाहिरिए ।

सो प्रतियोगिता अन्तगर शनिबार विहान पहिलो सेमिफाइनल खेल प्रविण पालिखे र भागवत नेपालबीच हुनेछ भने दोश्रो सेमिफाइनल खेलमा हिराकाजि महर्जन र प्रकाश केसी भिड्ने छन् । यी दुई खेलको विजेताबीच शनिबार नै उपाधीका लागि प्रतिस्पर्धा हुनेछ ।