समाधान संवाददाता
पोखरा

चलचित्र पत्रकार संघ कास्कीको रिक्त कोषाध्यक्षमा अपर्ण तिवारी मनोनित भएका छन् । बुधबार बसेको संघको पहिलो बैठकले तिवारीलाई चयन गरेको हो । तिवारी बिग एफएममा आबद्ध छन् ।

चलचित्र पत्रकार संघ कास्कीको चौथो अधिवेशनमा उनी कार्यसमिति सदस्य निर्वाचित भएका थिए । संघका अध्यक्ष अरुण गिरीले तिवारीलाई कोषाध्यक्षमा चयन गरिएको जानकारी दिए । संघको सल्लाहकारमा पोखरा फिल्म सोसाइटी अध्यक्ष जितेश प्रधान, पत्रकार राजाराम पौडेल र मिडटाउन ग्यालरी सञ्चालक उत्तम द्वा मनोनयन भएका छन् ।

संघले आगामी दिनमा पुराना कार्यक्रमको निरन्तरतासँगै पोखरामा चलचित्रसम्बन्धी नयाँ गतिविधि गर्ने जनाएको छ । ‘हामी छिट्टै नै चलचित्र पत्रकारिता पुरस्कार स्थापना गर्दै छौ’, उनले भने, ‘पुरस्कारबाट पोखरा लगायत गण्डकी प्रदेशका पत्रकारलाई रंगपत्रकारितामा प्रोत्साहन मिल्नेछ ।’

यसका लागि आवश्यक लबिङ भइरहेको उनले बताए । संघले आगामी दिनमा नेपाली चलचित्रसँगै पोखरामा निर्माण हुने भाषाभाषीका चलचित्रसम्बन्धी गतिविधिमा समेत सहकार्य भएको छ । गण्डकी प्रदेशका नयाँ रमणीय पर्यटकीय स्थलको भ्रमण गरी सुटिङ स्थलका रुपमा प्रचारप्रसार गर्न चलचित्र पत्रकार संघले टेवा पु¥याउने उनले सुनाए ।