चिनमा अब २ हजार संक्रमित बाँकी

समाधान संवाददाता २०७६ चैत १९ गते ८:४३

एजेन्सी

कोरोना भाइरसको उदगमस्थल चिन अब कोरोना भाइरस मुक्त देश बन्ने क्रममा छ । विश्वका अन्य राष्ट्रमा नगन्य मात्रामा फैलिएको बेलामा चिनमा यो भाइरसत द्रुत गतिमा बढेको थियो । एक अरब ४० करोड जनसंख्या भएको चिनले लक डाउनलाई प्रभावकारी ढंगले सफल बनाएर नियन्त्रणमा लिन सफल भयो ।

चिनमा कोरोना भाइरसबाट ८१ हजार ५४० जना संक्रमित भएका थिए । ती मध्ये ७६ हजार ६२ जना उपचार पछि घर फर्केका छन् भने ३ हजार ३०६ जनाको मृत्यु भएको छ । चिनिया अस्पतालमा अब २ हजार १७२ जना मात्र उपचाररत छन् । नयाँ संक्रमित हुनेको संख्या ज्यादै न्यून ।

अहिले अमेरिका र युरोपमा यो महामारीले विराल रुप लिएको छ । अमेरिकामा करिब एक लाख ९० हजार संक्रमित भएका छन् भने करिब ४ हजारको मृत्यु भैसकेको छ । इटलीमा एक लाख ६ हजार संक्रमित मध्ये १२ हजार ४४३ को ज्यान गएको छ । स्पेनमा पनि संक्रमण र मृत्यु संख्या बढेको छ । झण्डै ७२ हजार ंसंक्रमित हुँदा झण्डै ८ हजारको मृत्यु भएको छ ।

तपाईको प्रतिक्रिया