स्याङ्जा

स्याङ्जाको पुतलीबजार नगरपालिका आसपासमा सोमबार दिउँसो भीषण असिना पानी परेको छ । असिना पानीले मौसमी बाली तथा तरकारीका साथै फलफूलमा धेरै क्षति पु¥याएको स्थानीयले बताएका छन् ।

लकडाउनका बेला घरमै बसेर लगाएको तरकारी बालीमा क्षति पु¥याएपछि किसान चिन्तित बनेका छन् । सुन्तला र अमिलोजन्य फलफूलको फूल खेल्ने बेलामा परेको असिनाले उत्पादनमा समेत असर पार्ने देखिएको छ ।

दिउँसो साढे २ बजेपछि लगातार आधा घन्टा असिना पानी परेको पुतलीबजार १३ का पुरुषोत्तम कोइरालाले बताए ।
भर्खरै एकोहोरो खनेका मकै पनि असिनाले सोत्तर पारेको छ । हुर्कंदै गरेका घिरौंला, करेला, लौका, काँक्रा, भिन्डी लगायतका कलिला बिरुवा त झन् सखापै बनाएको छ ।