पाेखरा

लकडाउनका कारण समस्यामा परेका बेला कामना सेवा विकास बैंकले बागलुङमा रहेको मानव सेवा आश्रमलाई खाद्यान्न सहयोग गरेको छ । 

सोमबार एक कार्यक्रम गरी बागलुङ गरपालिका वडा नं ३ का वडा अध्यक्ष लक्ष्मी वास्कोटा तथा पत्रकार राजेशचन्द्र राजभण्डारीको रोहवरमा सहयोग हस्तान्त्रण गरेको बैंकका धौलागिरि क्लस्टर प्रमुख टंकनाथ लामिछानेले जानकारी दिए ।

बैंककले ८ बाेरा चामल, एक बरा दाल दुई बाेरा आटा, चाउचाउ नुन तेल जस्ता दैनिक आवश्यक खाद्य समाग्री हस्तान्तरण गरेको हो । कार्यक्रममा बैंकका प्रतिनिधि बागलुङ शाखाका प्रवन्धक ध्रुव पौडेल तथा कर्मचारी सविता शर्मा को उपस्थिति थियो । 
लकडाउनको समयमा आश्रममा आश्रित ४२ जनालाई बैंकले गरेको सहयोग प्रति मानव सेवा आश्रमकी प्रमुख सुमिरा लामाले धन्यवाद् व्यक्त गरिन् ।