बागलुङ पहिराेमा परी बेपत्ता महिलाकाे शव भेटियाे

समाधान संवाददाता २०७७ असार ६ गते १९:५१
फाइल तस्बिर

पाेखरा

बागलुङकाे काठेखोला गाउँपालिकास्थित तंग्राम फापरखेतमा अविरल वर्षासँगै आएको पहिरोले घर पुर्दा शनिबार बिहान वेपत्ता महिलाको शव फेला परेको छ ।

अविरल वर्षासँगै गएकाे पहिराेले बिहान घर पुर्दा ३८ वर्षीया विमला पुनको शव दिउँसो भेटिएकाे जिल्ला प्रहरी कार्यालय बागलुङका डिएसपी राजेन्द्र रेग्मीले बताए

बिहानदेखि सेना, प्रहरी, सशस्त्रसहित स्थानीयकाे सक्रियतामा खाेजी कार्य तीव्र पारिएकाे थियाे ।

वेपत्ता पुनको प्रहरी र नेपाली सेनाले खोजी गरेपछि शव फेला पारेका थिए ।

शनिबार बिहानपख पहिराे गएकाे र विमलाका पति टाेपबहादुर, १ छोरा र २ छाेरी भने घरबाट बाहिर निस्कन सफल भएकाे स्थानीयलाई उद्धृत गर्दै प्रहरीले जनाएकाे छ ।

तपाईको प्रतिक्रिया