गण्डकी विकास बैंकद्वारा विद्यालयलाई कम्प्युटर सहयोग

समाधान संवाददाता २०७७ असार ९ गते १९:०८

समाधान संवाददाता, पोखरा

गण्डकी विकास बैंक लिमिटेड हेमजा शाखाले पोखरा २५ स्थित विष्णुपादुका माविलाई २ थान कम्प्युटर हस्तान्तरण गरेको छ । बैंकका सञ्चालक वासुदेव त्रिपाठी, प्रमुख कार्यकारी अधिकृत रेशमबहादुर थापा, कर्मचारीहरुको टोलीले विद्यालयका प्रध्यानाध्यापक, शिक्षक र व्यवस्थापन समितिका सदस्यलाई उक्त सामग्री हस्तान्तरण गरे ।

सामाजिक उत्तरदायित्व वहन अन्तर्गत विद्यालयलाई कम्प्युटर उपलब्ध गराइएको बैंकका प्रमुख कार्यकारी अधिकृत रेशमबहादुर थापाले बताए । विद्यालयलाई प्राप्त सहयोगबाट विद्यार्थीको सिकाइलाई प्रभावकारी बनाउन सहयोग पुग्ने प्रध्यानाध्यापक दीपकराज पौडेलले सुनाए ।

केही साताभित्रमा नै गण्डकी विकास बैंक र मेगा बैंक मर्ज हुँदै छन् । त्यसपछि पनि समुदायप्रतिको जिम्मेवारी निरन्तर निर्वाह गरिरहने सञ्चालक वासुदेव त्रिपाठीले बताए ।

हेमजा शाखाले सामाजिक उत्तरदायित्व अन्तर्गत लाम्पाटाबासीका लागि खानेपानी ट्याङ्की सहयाेग गरेको थियो । याम्दीस्थित बालकल्याण आधारभूत विद्यालयमा अध्ययनरत सबै विद्यार्थीलाई झोला वितरण गरिएको शाखाले जनाएको छ । सामाजिक उत्तरदायित्वको क्षेत्रमा बैंक सदैव सक्रिय रहेको शाखाका कर्जा प्रमुख ईश्वर अधिकारीले बताए ।

तपाईको प्रतिक्रिया