पोखरा न्यूरोडमा फेवा चिकेन प्वाइन्टको शाखा

समाधान संवाददाता २०७७ असार १४ गते २०:३८

समाधान संवाददाता

चिकेन आइटमको माग बढेपछि फेवा चिकेन प्वाइन्टले आफ्नो सेवा विस्तार गरेको छ ।

गएको २ वर्षदेखि पोखरा–१७ बराल फिडमा सञ्चालित प्वाइन्टले बजारमा चिकेनको फ्राई, ग्रिल र स्टीम परिकारहरुको माग बढेपछि न्यूरोडस्थित भाटभटेनी सुपरमार्केटको आडमा नयाँ शाखा सञ्चालनमा ल्याएको हो ।

फेवा चिकन प्वोइन्ट सञ्चालन गर्दै आएका युवा उद्यमी सूर्यप्रसाद बरालबाहेक नयाँ शाखामा अरु २ युवाले लगानी गरेका छन् । नेपालमै उद्यमी बनाै‌ भन्ने मान्यताका साथ ३ जना मिलेर १ करोड लगानीमा नयाँ शाखा खोलेको सञ्चालक बरालले जानकारी दिए । नयाँ शाखामा प्रकाश सुवेदी र बालकृष्ण सिग्देलको पनि लगानी छ ।

कोरोनाले सिर्जित समस्यालाई मध्यनजर गर्दै उच्च सतर्कताका साथ ग्राहकलाई २ मिटर सामाजिक कायम गराउँदै सेवा दिइरहेको उनले बताए । सेवाग्राहीलाई सेनिटाइजर प्रयोग गर्न लागएर आफैले लैजाने (टेक अवे) सुविधा पनि प्रदान गरिएको सञ्चालक बरालले जानकारी दिए ।

‘भविष्यमा समयको माग अनुसार परिस्कृत गर्दै लैजान्छौं,’ संचालक बरालले भने । अहिले चिकेन प्वाइन्ट रेष्टुरेण्टमा ३० जनाले रोजगारी पाएका छन् । आफ्नै ब्यवसायिक कृषि फर्मबाट उत्पादित मासु उपभोक्ताको भान्सासम्म पु¥याउन पाउँदा सन्तुष्ट र खुशी रहेको सञ्चालक बरालले बताए ।

व्यवसायिक कृषितर्फ आफ्नै दाना उत्पादन, ह्याचरी सहितको ३५ हजार क्षमताको हिल प्वाईन्ट पोल्ट्री फार्म सञ्चालन गर्दै आएका बरालले स्वस्थ्यकर कुखुराको मासुका छुट्टाछुट्टै परिकार उपलब्ध गराउँदै आएका छन् ।

तपाईको प्रतिक्रिया