मौसम खराब भएपछि गृहमन्त्री बाग्लुङ जान सकेनन्, काठमाडाै‌ं फर्क‌िए

समाधान संवाददाता २०७७ भदौ १८ गते १३:१९

समाधान संवाददाता, पोखरा

बाग्लुङका बाढी पहिराे पीडितका लागि राहत सामाग्री लिएका आएका गृहमन्त्री रामबहादुर थापा बादल खराब माैसमका कारण घटनास्थलमा पुग्न नसकी काठमाण्डाै‌ं फर्किएका छन् ।

गृहमन्त्री सवार हेलिकोप्टर खराब माैसमका कारण पोखरामा अवतरण गरेको थियाे । मौसम खराब भएपछि गृहमन्त्री रामबहादुर थापासहितको टोली सवार हेलिकोप्टर साढे १२ बजे विमानस्थलमा अवतरण गरेको हो ।

बागलुङ जान सम्भव नभएपछि अहिले गृहमन्त्री काठमाडाै‌ंका लागि पाेखराबाट उडिसकेका छन् ।

उक्त हेलिकोप्टर बाग्लुङ प्रवेश गरे पनि बाढी प्रभावित क्षेत्र पुग्न नसकेको विमानस्थलका सूचना अधिकारी देवराज सुवेदीले जानकारी दिए ।

बागलुङमा बुधबार रातिको बाढीले अहिलेसम्म ११ जनाको ज्यान गएको छ । ढोरपाटन नगरपालिकास्थित भुजीखोला वस्तीमा पस्दा हराएका ३६ जना अझै सम्पर्कविहीन रहेको बागलुङका सहायक सिडिओ धिरजराज पन्तले जानकारी दिए। ढोरपाटन ६, ७, ८ र ९ नम्बर वडाका वस्ती बाढीले बगाएको हो ।

फाेटाे–सेताेपाटीबाट

तपाईको प्रतिक्रिया