गोल्डेन नेचर स्कुलमा हिज्जे प्रतियोगिता
समाधान संवाददाता
२०८० साउन १९ गते ११:५६
पोखरा ।
पोखरा ३० खुदी, ढुंगेपाटनमा अवस्थित गोल्डेन नेचर बोर्डिङ स्कुलले कक्षा ७ देखि कक्षा १० सम्म अध्ययनरत विद्यार्थीबीच नेपाली हिज्जे प्रतियोगिता गरेको छ ।
प्रतियोगितामा हरियो सदनका सम्झौता भण्डारी, स्वस्तिका पाण्डे, अमित शर्मा सुबेदी र अबिसान खाँड ठकुरीले प्रथम स्थान प्राप्त गर्न सफल भए भने रातो सदनका जस्मिन आचार्य, अंकिता सुनार, साधना गौतम र प्रकृति पौडेलले द्वितीय बने । कार्यक्रमको संयोजन शिक्षकहरु मुक्तिनाथ रानाभाट र सावित्री न्यौपानेले गरेका थिए ।
विद्यार्थीमा नेपाली भाषामा थप निखार एवं शुद्धता ल्याउने उद्देश्यले कार्यक्रम गरिएको प्रिन्सिपल प्रेमप्रसाद शर्माले बताए ।
सम्बन्धित
तपाईको प्रतिक्रिया