संसदबाट बाहिरिएपछि सरीता गिरीकाे प्रतिक्रिया : आफ्नै पार्टीकाे औचित्य देखिनँ

समाधान संवाददाता २०७७ जेठ ३१ गते १५:३७

काठमाडौ‌ं

जनता समाजवादी पार्टीकी सांसद सरिता गिरीले आफ्नै पार्टीको औचित्यमाथि प्रश्न उठाएकी छन् । संसद बैठकमा सभामुखले बोल्न अनुमति नदिएपछि बाहिरिने क्रममा पत्रकारहरुलाई प्रतिक्रिया दिँदै उनले आफ्नै पार्टीको औचित्यमाथि प्रश्न उठाएकी हुन् ।

उनले संसद सचिवालयमा दर्ता गराएकाे स‌ंविधान संशाेधन विधेयकमाथिकाे संशाेधन प्रस्ताव अयाेग्य भएकाे घाेषणा सभामुख अग्नि सापकाेटाले गरेका थिए । सा‌ंसद गिरीले बाेल्न माग गरेकाे आग्रह सभामुखले नमानेपछि उनी बाहिरिएकी हुन् ।

‘आदिवासी, जनजाति, दलित, मधेसी र महिलालाई समावेश गरेर समावेशी राष्ट्रवाद कायम नगर्ने हो भने जनता समाजवादी पार्टीको औचित्य के’, उनले प्रश्न गरिन् ।

उनले नक्सा सम्बन्धी संविधान संशोधनको पक्षमा मतदान गर्ने निर्णय गर्दा पार्टीभित्र कुनै छलफल नभएको जिकिर गरिन् ।

सभामुख अग्नि सापकोटाले सांसद नक्सा सम्बन्धी संविधान संशोधन प्रस्ताव अस्वीकृत भएको जानकारी गराएलगत्तै सांसद गिरी बैठक छाडेर हिँडेकी थिइन् ।

उनले संविधान संशोधनको प्रस्तावमा असहमति जनाएकै आधारमा आफूलाई गालीगलौज भइरहेकोमा पनि आक्रोश पोखिन् ।

उनले आफूमाथिको गालीगलौज महिलामाथिको हिंसा भएको उल्लेख गर्दै आफूले महिला अधिकारको लडाईलाई अझ बलियो पार्ने बताइन् ।

‘पाकिस्तानले हिंसा गरेपछि महिलाहरुको नेतृत्वमा बंगलादेश निर्माण भएका कुरा नबिर्सौं, गिरीले भनिन् ।

तपाईको प्रतिक्रिया